تشفااااااااو يا لبنات كي كنا صغار..................

نشفا حنا البنات كي كنا صغار نلعبو وحد اللعب تاع درك ما شكيتش يلعبوه.
رايحة نفكركم في بعض اللعبات واللي نساتو نونو فكروها فيه هههههههههههه
حنا ياخي تعرفو العادة لعبنا كامل تع الدار
-لعبة الحبل :كي نتفكرها نموت بالضحك لحبال تاوعنا على كل نوع المهم حبل وحدة عندها حبل تاع الصح و وحدة مدايرة خيط تاع تريسيتي و وحدة زوج خيوط لازقين في بعضاهم آي حالة نلعبو حتا نعياومي ماشفيتش على الغنايات اللي كنا نقولوهم كي كنا نلعبو بيه
-لعبة البوبيات(العرايس):اييييييييييي ييييييييه اللي تشري بوبية جديدة تلقا 20 طفلة دايرة بها وهي تتكسل ودرك عادو يتراماو وحدة بـ 20 دينار
-لعبة الكريدة :شحال توحشتها كنا نروحو نخيرو الحجار بصح لازم يكونو قد بعضاهم ايمالا نجيو في االطروطوار و نبداو جمايع جمايع تسمع غير في الطرطيق تاع الحجار
-لعبة الغميطة :هذي مازال يلعبوها ضك هذي نشفا عليها مليح كان واحد يغمض ويحسب حتا ل10 والباقي يدرقو(يتخباو)ومبعد يحوس عليهم ولي يلقاه يحييه
-لعبة لامارين :والله غييييير ياسعدها اللي عندها باطا شمة كانت هي اللي تبدا تلعب الاولا الطيطوارات اكل رسمنا فيهم هاذوك الرسمات تاع هاذي اللعبة وفي العطلة ماكانش طبشير لازم نحوسو على طرف جبس باه نمركيو بيه
-والله يا العشة نموت عليها انا دك كبيرة وكي نعقب على بنات صغار يلعبو فيها نسخف ماكانوش عندنا لماعن ولحوايج و البوبيات كيما ضك بصح نلعبوها نديوها من 4 تاع لعشية حتان للمغرب واحنا نلعبو فيها وعجبك اتجينا كلي رانا في الصح وحدة فينا تجي الام ديما في الكوزينة وكانو اماهاتنا بالسيف باش يعطيولنا الخضرة لحكاية على راس حبة بطاطا حبة زرودية فلفل وبصلة و شوي ملح زعمة نديرو بيهم العشا ولبنات يسقمو يكنسو الدار (الطريطوار)ويخيطو القش آآآآآآآآآي ماشي قاعدين مره
لعبة فوووووووووووووووور
واش يا لبنات تفكرتو صغركم؟؟؟؟؟؟؟
هاذو لعبات لبنات السطايفيات
هيا اتفكرو وكاشي لعبات كنتو تلعبوهم انتوما في الولايات الاخرى و احكيولنا عليهم
وانتوما يا les jeunes واحد فيكم يديرلنا موضوع كيما هذا عليكم انتوما كي كنتو ذراري واش كنتو تلعبو؟ok